蛇王芬

中環最出名食蛇物既, 唯有係街市對上, 在斜路旁既蛇王芬
天氣寒涼既時節, 晚上一桌難求,
而每桌都幾乎有碗蛇羹蛇湯以暖身

最近夏日炎炎,平日唔駛等位之餘, 入到去仲見吉位,
其實蛇王芬除了食蛇物外, 仲有好多惹味小菜同足料湯水 



 

二人世界蛇羹套餐

當晚要左個三人用, 選了一湯兩餸一飯
飯可選煲仔飯或籠仔荷葉蒸飯.
如散叫, 仲有燒味同更多特色小菜可選, 有些甚至要預訂呢!

海底椰蘋果雪梨燉豬展

連蛇羹蛇湯約十款中選了這個真材實料
這款滋潤清甜, 湯水比例高d會更好!



蝦醬鮮魷豆腐煲

端上來已傳來一陣蝦醬香, 魷魚已用薑蔥辟走腥味, 爽嫩鮮甜.

豆腐已預先煎過, 更添咬感, 醬汁濃郁,
立時要了碗白飯, 送飯佳品.

 

黃金蝦 (套餐另加$35)

蝦殼外層已沾滿鹹蛋黃碎, 炸至薄脆, 蝦肉尚甜



更為驚喜的是蝦頭, 內裡堆滿半流質狀蝦膏,
與帶鹹蛋黃的脆甜蝦殼一併嚼下, 味道口感偕豐富



滑蛋牛肉煲仔飯

雞蛋熟透了, 真的不行了...
除了煲仔飯, 還有各款籠仔荷葉蒸飯



煲仔飯最底的飯焦 一般, 味道帶微燶也不脆



是晚飯後免費糖水綠豆沙, 足料濃稠



 



仲有電視撈飯呀, 伙記服務還好, 每人也只是百多元

蛇王芬

中環閣麟街30號地下
星期一至日: 11:00-22:30